أرشيف شهر فبراير 2007
شيكاجو - علاء الأسوانى
17 فبراير 2007
أخيرا إنتهيت من قراءة شيكاجو للكاتب الرائع علاء الأسوانى… الروايه أخذت منى 4 أيام لقرائتها حيث كنت اقرأ فيها كل يوم قبل النوم… الروايه كانت ممتعه جدا لدرجة أننى كنت كل يوم أنتظر بفارغ الصبر ليأتى المساء و أنتهى من عملى و أكمل قرائتها.
* فكرة الروايه تحفة بكل المقاييس … هناك ملحوظة كتبت فى أول صفحة تقول أن الكتابات ذات الخط المائل نسخة طبق الأصل من مذكرات ناجى عبد الصمد و لكن لم يوجح الكاتب من هو ناجى أو من أين جاء بمذكراته… إستنتجت انا أنه بنى الرواية و كل أحداثها على هذه المذكرات حيث خلط ما حدث فعلا لناجى فى شيكاجو بشخصيات و أحداث أخرى من خياله.
* الخلفية التاريخية عن شيكاجو فى اول صفحات الروايه كانت ممتعه بحق.
* نفس المشكلة التى واجهتنى عند قراءة عمارة يعقوبيان (الرواية الأولى للكاتب التى تحولت لفيلم سنيمائى) واجهتى فى شيكاجو أيضا… كثرة عدد أبطال الروايه تجعلنى أنسى بعضهم عدة مرات أثناء القراءة و الإضطرارللعودة للخلف بضع صفحات لتذكرهم … على العموم حتى هذا المجهود فى إسترجاع الأشخاص و الأحداث جزء من متعة الروايه
* مع البناء المحكم و الممتاز للروايه يبدو أن الكاتب لم يلاحظ انه كرر جمل بأكملها أكثر من مره فى الروايه فى وصف شئ ما أو فى حديث عن موضوع معين بين أبطال الروايه… لاحظت ذلك مرتين أو ثلاث مرات.
* جرعة السياسة شيكاجو أكبر من سابقتها بكثير مما يجعلنى أشك فى إمكانية تحيولها لفيلم مثل عمارة يعقوبيان و إلا سوف يضطرون لحزف أحداث كثيرة و هامة فى أحداث الروايه.
* بمناسبة السياسة أكثر جمله جعلتى أضحك فى الروايه هى:
سيادة الرئيس… سيادتك خارج الكادر… تحرك إلى اليمين من فضلك
و أخيرا أنصحكم بقراءتها
MysticMan 3:30 AM @ Home
العمر بيمر … واحنا قاعدين!
17 فبراير 2007فجأة بدأت أحس أن العمر بيجرى بسرعة… الأيام و الأسابيع و السنين… و الغريب أنى بديت أحمل هم الموضوع ده مع إنى لسة مكملتش الثلاثين!!!
بديت ادرك أن اليوم اللى بيروح مش بيرجع… فى حاجات كتيير عايز أعملها.. فى إنجاوات كتيير نفسى أحققها فى حياتى و بسرعة بس مشاغل الحياه اليومية دايما وخدانى من التفكير بعمق و إتخاذ الخطوات التى تحسن من نفسى .
المشكلة الأكبر إن حتى الحاجات اللى المفروض الواحد يخلصها فى اليوم ربعها بس بالكتيير هو اللى بيخلص و الباقى يتأجل و يتراكم إلخ مش كده و بس دا فى أيام بتعدى عليا مش باقدر أنجز فيها أى حاجة و بدون سبب واضح و الأيام دى بالذات بتحسسنى بذنب رهيب… خصوصا فى آخر اليوم و أنا داخل انام.. باحس إن حتى النوم خساره فيا… أنام و أرتاح ليه؟! هو أنا تعبت اصلا؟!
أمنيه كتير بتراودنى… أن الساعة تقف شويه.. ولو كام يوم كده… الواحد يراجع فيها نفسة … يشوف إيه اللى وصل ليه و إيه اللى هو عايزه .. إيه الحلو فى حياته و إيه اللى محتاج تغيير.. أو حتى على الاقل يخللص الحاجات المتأخرة عليه!
حلم سخيف … و مستحيل يتحقق طبعا
MysticMan 2:00 AM @ Home
