i thought I have been healed but I was wrong

maybe that ends the frustrations cycle

You may be dealing with conflicting perspectives within a close relationship. You have to face reality to get through the dilemma, and even if it’s temporarily unpleasant, it will be for the best. Fortunately, you can work through any disagreement now. A heartfelt discussion could bring you joy, but you must be prepared to engage in serious dialog first.
Thursday, September 13, 2007

أمضيت أكثر من شهرين لا أعمل تقريبا .. أقصد لا أنتج فى عملى .. حيث أن مجال عملى يتطلب الكثير من التركيز و الإبداع فعندما أكون فى مزاج سيئ لا أستطيع ان أنتج نهائيا .. أحمد الله أننى لدى عملى الخاص لأننى لو كنت موظفاً لكنت الآن مرفود 

لا أعرف لماذا فى فى بعض الأحيان يكون مزاجى سيئ جدا إلى هذا الحد و فى احيان أخرى يكون جيدا و لدى طاقة كبيرة مع أن ما لدى من مشاكل أو إحباطات لم يتير و لم يزيد أو يقل…

المشكلة الاكبر أننى عندما تمضى فترة و أنا فى هذا المزاج السئ أشعر بالذنب كثيرا بسبب إهمالى للعمل مما يزيد من سوء الحالة…

 ينصحنى أحد الموظفين الذين يعملون معى بأخذ أجازة و السفر لعدة أيام حيث أن آخر أجازة أخذتها كانت من حوالى سنة.. و لا آخذ النصيحة كالعادة على أمل أن أستطيع العودة للإنتاج اليوم أو غدا و انهى بعضا من المهام المتراكمة…

يمضى الوقت فى هذه الفترة ثقيلا جدا و أنا أمضى ساعات أمام الكمبيوتر فى محاولات يائسة لا تجدى غالبا للعمل…

ليس لدى الكثير لأفعله للخروج من هذه الحالة إلا الإنتظار و محاولة الضحك قدر ما أستطيع على امل أن أصحو يوما فى مزاج جيد…

يأتى اليوم المنتظر و أجد نفسى سعيد جدا بلا سبب واضح و أعمل و أنتج فى أيام قليلة كما لم أفعل فى شهور…

و أظل أبحث عن السبب الذى يدخلنى فى هذه الحالة أو حتى عن السبب الذى يخرجنى منها و لا أجدهّ!!

Mystic Man
2:30 AM @ Home

فجأة بدأت أحس أن العمر بيجرى بسرعة… الأيام و الأسابيع و السنين… و الغريب أنى بديت أحمل هم الموضوع ده مع إنى لسة مكملتش الثلاثين!!!
بديت ادرك أن اليوم اللى بيروح مش بيرجع… فى حاجات كتيير عايز أعملها.. فى إنجاوات كتيير نفسى أحققها فى حياتى و بسرعة بس مشاغل الحياه اليومية دايما وخدانى من التفكير بعمق و إتخاذ الخطوات التى تحسن من نفسى .
المشكلة الأكبر إن حتى الحاجات اللى المفروض الواحد يخلصها فى اليوم ربعها بس بالكتيير هو اللى بيخلص و الباقى يتأجل و يتراكم إلخ مش كده و بس دا فى أيام بتعدى عليا مش باقدر أنجز فيها أى حاجة و بدون سبب واضح و الأيام دى بالذات بتحسسنى بذنب رهيب… خصوصا فى آخر اليوم و أنا داخل انام.. باحس إن حتى النوم خساره فيا… أنام و أرتاح ليه؟! هو أنا تعبت اصلا؟!
أمنيه كتير بتراودنى… أن الساعة تقف شويه.. ولو كام يوم كده… الواحد يراجع فيها نفسة … يشوف إيه اللى وصل ليه و إيه اللى هو عايزه .. إيه الحلو فى حياته و إيه اللى محتاج تغيير.. أو حتى على الاقل يخللص الحاجات المتأخرة عليه!
حلم سخيف … و مستحيل يتحقق طبعا

MysticMan 2:00 AM @ Home

كده فات 10 أيام من غير دخان

غريبة الإراده اللى ممكن تنزل على البنى آدم مره واحدة !!! من زمان و انا نفسى ابطل سجاير لكن ماقيش جرأة علشان اخد القرار ده… و فجاة أخذت القرار و نفذت كمان و الحمد لله الظروف ساعدتنى كتيير

أنا مدخن من حوالى 9 سنين خلال الفترة دى حاولت أبطل سجاير 3 مرات… أول مره بطلت لمدة 7 شهور تقريبا و لكن كنت بأدخن شيشه بدل السجاير … و المرة الثانية تقريبا نفس السيناريو و نفس المده.

المره الثالثة كانت من حوالى شهر فات و بطلت فيها السجاير لمدة ساعتين و ماقدرتش أكمل

10 ايام من غير دخان خالص مدة صغيرة بس اول مرة تحصل من 9 سنيين…. يا رب المره دى

 MysticMan 4:00 AM @ Home

لست أدرى لماذا توقفت عند هذه العبارة و أنا اتصفح فى قصة قصيرة يكتبها صديق لى لم أراه منذ زمنا بعيدا… فصلتنى هذه العبارة عن الواقع و القراءة و أغرقتنى فى بحر من الافكار التى توالت على رأسى مرة واحدة… ذكريات من الماضى القريب و البعيد و أيضا بعض الأفكار التى تشغلنى فى الوقت الحالى…

الحب … أمنية و مطلب كل البشر بلا إستثناء … لماذا يتحول فى بعض الأحيان إلى نقمة على من يجده !!. المشكلة التى لا حل لها فى الحب أنه يستحيل أن يأتى بتخطيط و تدبير و حكمة و تفكير… يتسلل الحب بهدوء و بدون أن ندرى إلى القلب و فجأة نحس به كأنه دخل خلسة… نستيقظ يوما فنجد أننا غارقين فيه و لا حول لنا و لا قوه… ثم نبدأ الرحلة و نحن لا ندرى إلى أين ينتهى بنا الطريق… لا ضمانات , لا رؤية و لا خطط مسبقة. فقط نكون تحت رحمة الأقدار … تحت رحمة من نحب … تحت رحمة الظروف.

كان النهار…
و قد هيأت نفسى لإستقبالك…
و لكنك دخلت قلبى …
بلا دعوة و لا سابق معرفة…

قد لا تنتهى الرحلة أبدا و نستمتع بالسعادة الدائمة مع من إختاره قلبنا إلى الأبد و تلك أفضل النعم التى يمكن أن نفوز بها…

جن الهوى و رمانى … طيرنى أنا وياك
قلبك بعده بيهوانى … قلبى بعده بيهواك
بحبك ، حدى خليك … انا بعيونى بخبيك
لا تحللفنى و لا تسألنى … أنا ما فى إنساك

قد تتعثر الرحلة من اول خطواتها و نتألم بحب من طرف واحد يجعلنا كورقة شجر فى مهب الريح. كلمة قد يكون لها معنى تخرج ببساطة من فم الحبيب تجعلنا نطير و نصل بأحلامنا للسماء و كلمه أخرى لها معنى معاكس تسقط بنا إلى أرض الواقع المؤلم… آه يا لها من دوامة تحرق أعصابنا و تستهلك مشاعرنا بدون أن نستطيع الخروج منها…

أهواك بلا أمل و عيونك تبسم لي‎ ‎ … و ورودك تغريني بشهيات القبل‎ ‎
أهواك و لي قلب بغرامك يلتهب‎ ‎… تدنيه فيقترب تقصيه فيغترب‎ ‎
في الظلمة يكتئب و يهدهده التعب‎ ‎… فيذوب و ينسكب كالدمع في المقل‎ ‎
في السهرة أنتظر و يطول بي السهر‎ ‎… فيسائلني القمر يا حلوة ما الخبر‎ ‎
فأجيبه و القلب قد تيمه الحب‎ ‎… يا بدر أنا السبب أحببت بلا أمل

قد نقطع خطوات كبيرة فى الرحلة و نعيش أياما مع الحب تجرى كالسراب من لذتها ثم يحدث ما لا نخشى سواه و ينهدم كل ما بنيناه فجاة … لا شئ ينهدم فجاة فى الواقع و لكن سكرة الحب التى تأخذنا تجعلنا غير واقعيين بعض الوقت فى تفكيرنا و تحليلنا لإمكانية نجاح العلاقة من عدمها و من كثرة سعادتنا بالحب الذى دق أخيرا بابنا ننسى او نتناسى ما يمكن أن يعكر صفوه أو يعيقه … غباء و لكن لنا عذر فالحب أعمى و أطرش و أخرس. و نرجع أيضا لأرض الواقع و لكن هذه المرة مع جرح غائر يستمر فى النزيف لفترة قد تطول و تقصر و حتى بعد ما يتوقف النزيف تظل هذه الندبه مكان الجرح لتذكرنا من حين لآخر بقصة حب مرت أشبه بالحلم و إنتهت كالعاصفة

يا حبايبنا فين وحشتونا …. لسه فاكريننا وللا نسيتونا
داحنا فى الغربه من الهوى دوبنا … و إنتو فى الغربه جوه فى قلوبنا
إوعوا تفتكروا إننا توبنا … مهما فرقونا وللا بعدونا

Mystic Man 1:00 AM @ my office

النهاردة صحيت بدرى … هى المفروض حاجة عادية عند أغلب الناس بس بالنسبة لى لأ…

المهم و إحتفالا بإنى صحيت بدرى قررت أدللع نفسى شوية قبل ما أروح الشغل ( أصلى صحيت 6 الصبح )
أخدت الـ shower و لبست و أخدتلى كام خلاصة اقراها و رحت على Chantilly فطرت و شربت الكابوتشينو و قعت اقرا شوية و أتفرج عالناس اللى ماليه المكان شوية.

الحقيقة لاحظت إن الواحد لما بيصحى بدرى بتكون حالته النفسية أحسن بكتيير من إنو يصحى متأخر و يروح الشغل متأخر و يسهر فى الشغل لـ متأخر

و لاحظت كمان إن الواحد لما بيعمل أى حاجة قبل ما يروح الشغل … حتى لو يتمشى شوية … بيروح الشغل فايق و مركز أكتر بكتيير من النظام العادى بتاعى: إصحى .. شاور و إلبس بسرعة و عالشغل عدل

فى معلومة كمان قريتها قبل كدة بتقول أن أكثر إنتاجيه للموظف بتكون ما بين 9 الصبح و 11 أو 12 الظهر و بيفضل إن الشغل اللى محتاج تركيز أو إبداع يتعمل فى الفترة دى و بعد كدة أى شغل ثانى زى تليفونات فاكسات أو paper work إلخ

نفسى فعلا كل يوم أصحى بدرى شوية و أعمل أى حاجة ادللع بيها نفسى قبل ما اروح الشغل … الموضوع بيفرق فعلا

خريج : فنون تطبيقية قسم ديكور ملحوظة لو لم أدرس فى هذه الكلية لوددت أن أدرس فى هذه الكلية
أعمل : فى مجال تصميم مواقع الإنترنت

الحالة : أعزب لغاية ما أقابل واحدة امها داعية عليها

أحب :

القراءة

سماع اغلب أنواع الموسيقى و الأغانى

السفر و الرحلات

مجال عملى

لا أحب

السياسة

الفهلوة

النكد و التشاؤم

الفاصوليا الخضرا

مميزاتى

كتيييييير بس مش فاكر حاجة دلوقتى

عيوبى

لما تعرفنى أكثر هتعرفهم!

يمكنك مراسلتى على contact (at) mysticnotebook (dot) com

تعودت أن أحتفظ بنوت بوك صغير أكتب فيه ما يعجبنى سواء مما قرأت أو سمعت إلخ و أحيانا أرسم أو أشخبط فيه… لازمتنى هذه العادة منذ حوالى 10 سنين و حدث أن فقدت بعضهم منذ فتره و أحسست مع فقدانهم بأنى فقدت مرحلة أو جزء من عمرى لذلك فكرت فى عمل مدونة تحتوى دائما على نسخة مما أريد أن أحتفظ به علشان لو حاجة تاني ضاعت

ميستك نوت بوك هى أفكارى .. ما أحبه و ما أعجبنى ..و ما شغل تفكيرى لا أدرى إذا كان أحدا يهتم بقراءة هذا أم لا على العموم إذا كنت تبحث عن مدونة متفجرة مليئة سياسة و معارضة و قضايا فكرية مشتعلة فتقبل إعتذارى ليست هذه المدونة التى تبحث عنها … بس أوعدك إنك ممكن تلاقى حاجة تقرأها تخليك تفكر أو تتأمل

تحياتى للجميع