شوف الحكايه يا وله .. شوف الحكاية
عشق الصبايا يا وله .. طول معايا
منهم هنايا يا وله .. منهم أسايا
وهما جرحي يا وله .. وهما دوايا

زرع الوداد على غير ميعاد  .. بقي شغلتي
أزرع وابيع قبل الربيع .. من جنتي
وأحلف وإتوب وإن شا الله أدوب  .. فى محبتي
دا الصبر طيب يا هوي .. صبرك معايا

حبيت سواد العين سنه  .. ونسيت صباحي
وغرقت فى ليل الضنى .. عطشان وصاحي
ولما بان ورد الشفايف .. لون جراحي
طاوعت قلبى ورحت له  .. والشوق ورايا

لو القي خل يبات وفي  .. يصبح مراعي
لاطوي المداين ع القدم  .. وأمشي له ساعي
وأفرد قلوعي يا وله  .. واركب شراعي
أنا وحبيبى فى الهوى .. على هوايا

شوف الحكايه !

  هربت هذه القصيدة من سجن الاستئناف الى الرفيقات المعتقلات بسجن القناطر

 النيل عطشان يا صبايا .. للحب و الحنين

والشط لا نور و لا نسمه .. ولا ناي ولا عود ياسمين

 …

يا شاهنده و خبرينا .. يا ام الصوت الحزين

يا ام العيون جناين .. يرمح فيها الهجين

ايش حال سجن القناطر .. ايش حال السجانين

ايش حال الصحبه معاكي .. نوار البساتين

…

محابيس كللك يا بهية .. وهدومك زنازين

والغيطان الوسيعة .. ضاقت ع الفلاحين

والدخان في المداخن .. لون هم الشغالين

…

يا بلدنا يا حاجة عجيبة يا أم المستعجبين

أضحك م الهم عليكى .. واللا أبكى مع الباكيين

عصافير الحب حزانا .. كاشين و مقصقصين

و الغربان و الحداوى .. فاردين و مريشيين

…

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّا طويل  ..
وأنا العليل ..
موجود دوا بس الطبيب ما رضاشي
والصبر فين  ؟!

الصبر فين يا سنين طوال وليالي
عيني على الجمل الأصيل العالي
لمّا ينخ بحمل من أحمالي
لكن في كل صباح ..
بانسى الجراح ..
وانقش بفاسي ع الغيطان موالي
يا ليل يا عين

يا ليل يا عين يا أرض يا معزوقه
يا كاشفه من شوقك خطوط مشقوقه
لما حضنتك  والبذور مرشوقه
غنيت وفي المغنى فرضي
للسمره أرضي ..
هيَّ  اللي باقيه ع الزمن معشوقه
والعشق زين

العشق زين بس الهموم سبّاقه
والشوف حديد  بس الغيوم خنّاقه
والانتظار للوعد  نار  حرّاقه
امتى تطول العيدان
دا من زمان ..
مشتاق أنا والحلوه مش مشتاقه
والذل شين

الذل شين والأرض بكر عفيه
يوم الحصاد وعروسه متحنيه
لو شفتها بالقمح متغطيه
ح افرش عبايتي واقابل
أم السنابل
وح اضم أملي بعد شوق بعنيه
وبالإيدين

وبالإيدين المعروقين يا مناجل
أطوي ضلامي بالصباح العاجل
وانزل بشومتي ع الغراب الحاجل
ويا يبقى شغل  وغنا ..
طول السنه  ..
يا تبقى ثوره في الصدور ومراجل

والوعد  دين
الوعد  دين

لسماع الاغنية يمكن تحميلهما من موقع سوارى www.sawari.com

مرمر زمانى يا زمانى مرمر
مرمرتنى لابد ما تتمرمر
مرمر و ترجع تانى ياللى بعيد
و الشوق فى قلبى يزيد و لا يتغير

مرمر زمانى يا زمان مندار
يا حر قلبى عاللى راحو صغار
تشهد عليك المدرسة و الدار و نجمة طالعة من بعيد بتنور

مرمر زمانى يا زمانى مرمر
مرمرتنى لابد ما تتمرمر
مرمر و ترجع تانى ياللى بعيد
و الشوق فى قلبى يزيد و لا يتغير

صبح الصباح قلبى اللى حس و عانى
غنى لشمس الصبح تبقى معانا
متغربين بس الهموم جمعانا
على حلم واحد و اللقى متقدر

مرمر زمانى يا زمانى مرمر
مرمرتنى لابد ما تتمرمر
مرمر و ترجع تانى ياللى بعيد
و الشوق فى قلبى يزيد و لا يتغير

مرمر زمانى الشيخ إمام

بحلم بيومنا و إنت إيدك فى إيدى…
بحلم و حلمى أد ما إنت تريدى…
أد الحلال قد القمر و يزيدى…
أد الهموم اللى تبات شغلانا…

سايس حصانك , الشيخ إمام